Kengash kotibiyati faoliyati muhokama qilindi

Xalq deputatlari Termiz tuman Kengashi kotibiyati mudiri A. Avliyakulov tomonidan kotibiyat xodimlari hamda mas’ul mutaxassislar ishtirokida ishchi yig‘ilish o‘tkazildi.

Yig‘ilishda kunlik vazifalarni o‘z vaqtida va sifatli tashkil etish, deputatlarning o‘z saylov okruglaridagi faoliyatini samarali olib borishlari uchun zarur tashkiliy-uslubiy ko‘mak ko‘rsatish, deputatlar tomonidan amalga oshirilayotgan o‘rganishlar, fuqarolar murojaatlari, deputatlik so‘rovlari hamda deputatlik nazoratini tizimli yo‘lga qo‘yish masalalari muhokama qilindi.

Shuningdek, Kengash faoliyatiga oid hujjatlarni belgilangan tartibda yuritish, kun tartibidagi masalalarni puxta tayyorlash, deputatlar faoliyatini yoritish, amalga oshirilayotgan ishlarni tahlil qilib borish hamda Kengash faoliyati samaradorligini yanada oshirish yuzasidan tegishli vazifalar belgilab olindi.

Yig‘ilish yakunida mutaxassislarga berilgan topshiriqlar ijrosini ta’minlash, ish jarayonida aniqlik va mas’uliyatni kuchaytirish hamda Kengash faoliyatini yanada takomillashtirish bo‘yicha aniq vazifalar yuklatildi.