Mahalladagi yoshlar yetakchisi tomonidan amalga oshirilayotgan ishlar samaradorligi o‘rganildi

📍Xalq deputatlari O‘rta Chirchiq tuman Kengashi kotibiyati bosh mutaxassisi Sh.Sidikova tomonidan "Uyg'ur" MFYda faoliyat yuritayotgan Yoshlar yetakchisi faoliyati o'rganildi.

📌O‘rganish “Xalq deputatlari viloyat, tuman va shahar Kengashi deputatining maqomi to‘g‘risida”gi Qonun, “Fuqarolarning o‘zini o‘zi boshqarish organlari to‘g‘risida”gi Qonun, O‘zbekiston Respublikasi Prezidentining 2023-yil 21-dekabrdagi PF–209-son Farmoni hamda Vazirlar Mahkamasining 2024-yil 15-martdagi 137-son qarori ijrosi doirasida amalga oshirildi.

📖 O‘rganish jarayonida yoshlar yetakchisi tomonidan hududdagi yoshlar bilan olib borilayotgan ishlar, ularning bandligini ta’minlash, bo‘sh vaqtini mazmunli tashkil etish, muammolarini aniqlash va hal etish borasida amalga oshirilayotgan chora-tadbirlar atroflicha ko‘zdan kechirildi.

✔️“Yoshlar daftari”ga kiritilgan fuqarolar bilan olib borilayotgan individual ishlar, ularga ko‘rsatilayotgan amaliy ko‘mak, murojaatlarini o‘rganish hamda mavjud muammolarini hal etish yuzasidan mas’ullar tomonidan ko‘rilayotgan choralar ham muhokama qilindi.

✅Xalq deputatlari O'rta Chirchiq tuman Kengashi kotibiyati axborot xizmati!