Ijtimoiy-iqtisodiy dasturlarning ijrosin o‘rganildi

Xalq deputatlari Qo‘shko‘pir tuman Kengashi deputati X. Artiqov Baratlar mahallasida bo‘lib, hokim yordamchisi Matkarimov Otabek bilan hamkorlikda mahalladagi ijtimoiy-iqtisodiy dasturlarning ijrosini o‘rgandi.
O‘rganish “Qo‘shko‘pir tumanini ijtimoiy-iqtisodiy rivojlantirish yuzasidan belgilangan chora-tadbirlarni manzilli o‘rganish hamda samarali nazoratni amalga oshirish rejasi” asosida tashkil etildi.
Jumladan, Baratlar mahallasida ishsizlik darajasini yil yakuniga qadar 3,1 foizga kamaytirish bo‘yicha belgilangan vazifalarning ijrosi, mavjud imkoniyatlardan samarali foydalanish hamda aholini bandligini ta’minlash borasida amalga oshirilayotgan ishlar deputatlik nazorati tartibida o‘rganildi.
O‘rganish yakunlari bo‘yicha aniqlangan masalalarni bartaraf etish va belgilangan vazifalarning ijrosini ta’minlash yuzasidan tegishli tavsiyalar berildi.