Xalq deputatlari Arnasoy tuman Kengashi kotibiyati mudiri O.Usmonov tomonidan O‘zbekiston Respublikasining 2020-yil 23-sentyabrdagi “Ta’lim to‘g‘risida”gi O‘RQ–637-son Qonuni ijrosi yuzasidan deputat U.Qo‘chqorovning saylov okrugiga kiruvchi Baxtli MFY hududida joylashgan 11-sonli umumiy o‘rta ta’lim maktabi faoliyati va moddiy-texnik holati joyiga chiqqan holda o‘rganildi.

🔎 O‘rganish davomida, avvalo, maktabning moddiy-texnik bazasi, bino va inshootlarning umumiy holati, ta’lim jarayoni uchun yaratilgan shart-sharoitlar, shuningdek, o‘quvchilar va pedagoglar uchun mavjud infratuzilma holatiga e’tibor qaratildi.

🏫 O‘rganishlar natijasida maktab binosining tom qismi ta’mirtalab holatga kelib qolgani aniqlandi. Xususan, yog‘ingarchilikli ob-havo sharoitida tom qismidan suv sizib kirishi natijasida bino ichki qismlariga salbiy ta’sir ko‘rsatishi, bu esa ta’lim muassasasining moddiy-texnik holatiga zarar yetkazishi mumkinligi qayd etildi.

📌 Mazkur holatni bartaraf etish, maktab binosining texnik holatini yaxshilash hamda o‘quvchilar va pedagoglar uchun xavfsiz va munosib ta’lim sharoitlarini ta’minlash maqsadida tegishli masalalarni mas’ul tashkilotlar bilan ko‘rib chiqish va zarur choralarni belgilash lozimligi ta’kidlandi.

🤝 Maktabning moddiy-texnik bazasini mustahkamlash, mavjud muammolarni o‘z vaqtida bartaraf etish hamda ta’lim muassasasida yaratilgan shart-sharoitlarni yanada yaxshilash masalalari deputatlik nazorati doirasida kuzatib boriladi.