Deputat rayonlıq Mektepke shekemgi hám mektep bilimlendiriwi bóliminde úyreniw jumısların alıp bardı

♻️ Xalıq deputatları Shımbay rayonlıq Keńesiniń turaqlı komissiya aǵzası J.Alieva  hám de turaqlı komissiya aǵzası G.Eshanova rayondaǵı Mektepke shekemgi hám mektep bilimlendiriwi bóliminiń jumısın úyreniw jumısların alıp bardı.

Úyreniw procesinde bilimlendiriw mákemelerinde oqıw-tárbiya procesin shólkemlestiriw, materiallıq-texnikalıq bazanıń jaǵdayı, pedagog kadrlar menen támiyinlengenlik dárejesi hám tarawda ámelge asırılıp atırǵan reformalardıń orınlanıwı talıqlandı. Sonday-aq, bilimlendiriwdiń sapasın arttırıw, mákemeler infrastrukturasın jaqsılaw hám bar mashqalalardı saplastırıw boyınsha juwapkerler menen sóylesiw ótkerildi.

Úyreniw dawamında anıqlanǵan kemshilikler hám mashqalalar boyınsha tiyisli usınıslar islep shıǵılıp, olardı saplastırıw hám tarawdaǵı jumıslardıń nátiyjeliligin bunnan bılay da arttırıw boyınsha usınıslar berildi. Deputat keleshekte de bilimlendiriw tarawında ámelge asırılıp atırǵan jumıslar ústinen jámietlik qadaǵalawdı alıp baratuǵının atap ótti.