Xalq deputatlari Pastdarg‘om tuman Kengashi deputati D. Jabborovaga Sanchiqul MFY fuqarolaridan elektr tarmoqlarini yaxshilash bo‘yicha murojaatlar kelib tushdi.

Jumladan, Yuqori Sanchiqul ko‘chasidagi eski simyog‘och ustunlarni beton ustunlarga almashtirish masalasi aholining asosiy talablaridan biri bo‘ldi.

Shuningdek, Sanchiqul MFYning G‘alaba ko‘chasi fuqarolari tomonidan ham murojaat yo‘llanib, hududga beton ustunlar o‘rnatilgani, eski simlar yechib olingani, ayni paytda esa elektr tarmoqlarini ulab berish ishlari yakunlanishi zarurligi bildirildi.

Mazkur murojaatlar deputat tomonidan tegishli tashkilotlarga yetkazilib, muammoni ijobiy hal etish va aholini uzluksiz elektr energiyasi bilan ta’minlash bo‘yicha amaliy choralar ko‘rilmoqda.