Olmazor mahalla fuqarolar yig’inida “mahalla yettiligi” faoliyati o‘rganildi 

Xalq deputatlari Oltiariq tuman Kengashining 7-Mullajonov saylov okrugidan saylangan deputati O. Abdurahimov tomonidan
Olmazor mahalla fuqarolar yig‘inida “mahalla yettiligi” faoliyati o‘rganildi. O‘rganish jarayonida mahallada aholi bandligini ta’minlash, kambag‘allikni qisqartirish, xotin-qizlar va yoshlarni qo‘llab-quvvatlash, ijtimoiy himoyaga muhtoj oilalar
bilan manzilli ishlash hamda fuqarolar murojaatlarini hal etish borasida amalga oshirilayotgan ishlar muhokama qilindi. Muhokama davomida hokim yordamchisi tomonidan chorvachilikni rivojlantirish hamda issiqxonalar tashkil etish maqsadida 15 nafar fuqaroga jami 260 mln so‘m miqdorida imtiyozli kredit mablag‘lari ajratilgani ma’lum qilindi. Ushbu mablag‘lar hisobiga fuqarolarning doimiy daromad manbaini yaratish, o‘zini o‘zi band qilishini ta’minlash va oilaviy tadbirkorlikni rivojlantirishga alohida e’tibor qaratilganligi aytib o‘tildi.