Bugungi kunda jamiyat hayotining barça jabhalarida zamonaviy yondaşuvlarni joriy etiş bilan bir qatorda, milliy tilimizning imkoniyatlarini kengaytiriş ham dolzarb ahamiyatga ega. Çunki til taraqqiyoti xalqning ma’naviy salohiyati, madaniyati va kelajakka bölgan intilişini ifodalaydi.

Özbek alifbosini takomillaştirişga qaratilgan işlar yozuvning amaliy qulayligini oşiriş, imlo qoidalarini izçil qöllaş va davlat tilining zamonaviy axborot muhitidagi imkoniyatlarini kengaytirişga qaratilgan. Bunday özgarişlar samarali natija berişi uçun ularni puxta örganiş, yangi yozuv me’yorlarini özlaştiriş va kundalik faoliyatda savodxonlikka rioya etiş zarur.

Şuningdek, davlat taşkilotlari, ta’lim muassasalari va jamoat taşkilotlarida özbek tilidan foydalaniş madaniyatini yuksaltiriş, rasmiy hujjatlarni töğri rasmiylaştiriş hamda aholining tilga oid bilimlarini oşirişga qaratilgan tadbirlarni kuçaytiriş muhimdir. Bu esa davlat tilining jamiyat hayotidagi örnini mustahkamlaşga xizmat qiladi.

Ona tilimizni e’zozlaş faqat sözda emas, balki uni töğri qöllaş, rivojlantiriş va uning nufuzini oşiriş yölidagi amaliy harakatlarda namoyon böladi. Har birimizning bu boradagi mas’uliyatli yondaşuvimiz tilimizning kelajakdagi ravnaqiga munosib hissa qöşadi.

Zero, tilga e’tibor — kelajakka e’tibor, yozuv madaniyati esa milliy taraqqiyotning muhim mezonidir.