Deputat so‘rovi asosida ijobiy ishlar amalga oshirilmoqda

📄 Xalq deputatlari Qiziriq tumani Kengashi raisi-deputat J. Xudoyqulova tomonidan joriy yilning fevral oyida tuman Maktabgacha va maktab ta’limi bo‘limiga “Yetimqum” mahallasida joylashgan 39-son umumta’lim maktabining hojatxonasi eskirib, foydalanish uchun noqulay holga kelib qolgani yuzasidan deputatlik so‘rovi kiritilgan edi.

🏗️ Mazkur so‘rov natijasida muammo ijobiy hal etilib, bugungi kunda maktab hududida eski hojatxona o‘rniga yangi, zamonaviy va sanitariya talablariga javob beradigan hojatxona qurilishi boshlandi.

🔵 Deputat J. Xudoyqulova qurilish jarayonlari bilan bevosita tanishib, ishlarning sifatli va belgilangan muddatlarda bajarilishi yuzasidan mas’ullarga tegishli tavsiyalar berdi.

🔵 Bu kabi amaliy ishlar hududlarda mavjud muammolarni bartaraf etish, aholiga, ayniqsa yosh avlodga qulay sharoitlar yaratish yo‘lida deputatlik nazoratining muhim ahamiyat kasb etayotganini yana bir bor ko‘rsatmoqda.

Qiziriq tumani Kengashi Axborot xizmati 

Rasmiy sahifalarimiz👇

Telegram (https://t.me/+h07HeUv_IP44MmUy) | Facebook (https://www.facebook.com/?ref=homescreenpwa) | E-kengash (https://kengash.gov.uz/qiziriq) |Instagram (https://www.instagram.com/xalqdep_qiziriqtumani_kengashi?utm_source=qr&igsh=MjJ2OG4xOTh0dHY3)