Xalq deputatlari Termiz shahar Kengashi raisi D.Normuradova, Kengash huzuridagi “Xalqparvar” komissiyasi raisi A.Mustafakulov hamda Kengash kotibiyati mudiri A.Ashurovlar deputat G.Xudaykulovaning saylov okrugiga qarashli “Jo‘yjangal” mahallasida bo‘ldilar.

Mas’ullar Xalq deputatlari Termiz shahar Kengashining 2026-yil 8-apreldagi VII-20-29-8-121-K/26-sonli qarori asosida ta’mirlanishi belgilangan fuqaro R.Saitkulovning xonadoniga tashrif buyurib, mavjud sharoitlar va boshlanish arafasidagi qurilish-ta'mirlash ishlarining tayyorgarlik holati bilan yaqindan tanishdilar.

Ushbu o‘rganish jarayoni O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-sonli qarori ijrosi hamda deputatlar faoliyati uchun belgilangan “24 ta eng muhim yo‘nalish” mezonlari doirasida tashkil etildi.

 Fuqaroning ma’lum qilishicha, hozirgi vaqtda mazkur xonadonda pudratchi tashkilot quruvchilari tomonidan barcha o‘lchash va loyihalashtirish ishlari olib borilmoqda.

Maqsadimiz — har bir fuqaroning munosib va obod xonadonda yashashini ta’minlash, xalqimizning davlatdan roziligiga erishishdir!