#Doimiy_komissiya_faoliyatidan
19¹-modda
🏫 TA’LIM SIFATI VA MAKTABLARNING KUZ-QISH MAVSUMIGA TAYYORGARLIGI O‘RGANILMOQDA

📋 Xalq deputatlari Sherobod tumani Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiyasi qarori ijrosini ta’minlash maqsadida tumandagi umumta’lim maktablarida o‘rganish ishlari olib borilmoqda.

👥 Navbatdagi o‘rganish manzili — 43-sonli umumta’lim maktabi bo‘ldi. Ishchi guruhi tomonidan ta’lim muassasasidagi mavjud holat, ta’lim sifati va samaradorligi, o‘quvchilar davomati hamda tegishli qonunchilik hujjatlari ijrosi o‘rganildi.

📚 O‘rganish jarayonida maktab ma’muriyati va pedagogik jamoa bilan suhbat o‘tkazilib, o‘quvchilarning dars mashg‘ulotlarida muntazam ishtirokini ta’minlash, ta’lim-tarbiya sifatini oshirish hamda o‘quvchilar uchun zarur shart-sharoitlarni yaratish masalalari muhokama qilindi.

🔎 Shuningdek, maktab hududidagi obodonlashtirish ishlari, bino va xonalarning holati, mavjud infratuzilma hamda ta’lim muassasasining 2026–2027-yillar kuz-qish mavsumiga tayyorgarligi ko‘zdan kechirildi.

📝 O‘rganish natijalari asosida aniqlangan muammolarni bartaraf etish, mavjud sharoitlarni yaxshilash va ta’lim muassasasi faoliyati samaradorligini oshirish yuzasidan tegishli taklif va tavsiyalar ishlab chiqishga alohida e’tibor qaratildi.

✅ Asosiy maqsad — ta’lim sifatini yanada oshirish, o‘quvchilar davomati va intizomini mustahkamlash, maktablarda qulay ta’lim muhitini yaratish hamda kuz-qish mavsumini betalafot va barqaror o‘tkazish uchun zarur sharoitlarni ta’minlash.

Xalq deputatlari Sherobod tumani Kengashi kotibiyati matbuot xizmati
Bizni kuzatishda davom eting! 👇
Telegram | Facebook | E-Kengash | Instagram | YouTube