Saylovchilar bilan ochiq muloqot o‘tkazildi

Xalq deputatlari tuman Kengashi deputati N.Alimov, tuman Kengashi deputatlari E.Hamroyev va D.Xoliqova hamda tuman Kengashi kotibiyati bosh mutaxassisi J.Donayev bilan birgalikda saylovchilar bilan uchrashuv tashkil etdi.

Uchrashuv davomida fuqarolarni qiynab kelayotgan masalalar, hududda amalga oshirilayotgan bunyodkorlik ishlari hamda aholini o‘ylantirayotgan muammolar yuzasidan fikr almashildi. Saylovchilar tomonidan bildirilgan murojaat va takliflar tinglanib, ularning yechimi yuzasidan tegishli tavsiyalar berildi.

Shuningdek, murojaatlarda ko‘tarilgan masalalarni mas’ul tashkilotlar bilan hamkorlikda hal etish hamda ijrosini nazoratga olish bo‘yicha kelishib olindi. Bunday uchrashuvlar aholi bilan muloqotni mustahkamlash, mavjud muammolarni o‘rganish va ularning yechimini topishda muhim ahamiyat kasb etadi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram