Ózbekstan Respublikası Oliy Majlisi Nızamshılıq palatası 4-Qaraqalpaqstan saylaw okruginen deputat Baxıtbay Aldamuratov korrupciyaǵa qarsı gúresiw hám onıń aldın alıw boyınsha qabıl etilip atırǵan nızamlardıń mazmun-mánisin jetkeriw maqsetinde Qaraózek rayonında ushırasıw ótkerdi. Ushırasıwǵa rayonlıq Keńes deputatları, mákeme shólkemler, mektepler hám mektepke shekemgi bilimlendiriw shólkemleri basshıları, juwapker qánigeleri qatnastı. Onda deputat tárepinen korrupciyaǵa qarsı gúresiw hám onıń aldın alıw boyınsha ámelge asırılıp atırǵan jumıslardıń jaǵdayı tarawlar hám tarmaqlarda hákimshilik hám byurokratiyalıq tosqınlıqlardı saplastırıw, korrupciyaǵa imkan beretuǵın sharayatlardıń aldın alıw boyınsha óz pikir-usınısların bildirdi. Sonday-aq, korrupciyaǵa imkaniyat jaratatuǵın sebepler hám sharayatlardı úyreniw jáne saplastırıw boyınsha Xalıq deputatları rayonlıq Keńesi deputatları menen ámelge asırılıwı belgilengen wazıypalar belgilendi. Sonday-aq deputat Nuranıy qorı Qaraózek rayonlıq bóliminde belsendi nuranıylar menen ushırasıp, toy, merekelerdi ıqshamlastırıw, jaslar tárbiyasına itibar qaratıwda nuranıylardıń rolin elede arttırıw baǵdarında pikir alısdı. Sonday-aq «Kámbaǵallıqtan abadanlıqqa qaray» baǵdarlamasına tiykar nuranıylar tárepinen máhállelerde biriktirilgen sociallıq qorǵawǵa mútáj shańaraqlardıń jaǵdayın jaqsılaw baǵdarında ámelge asırılıp atırılǵan jumıslar hám olardıń mashqalaların ámeliy sheshiw baǵdarında isleniwi tiyis wazıypalar belgilenip alındı.Bunnan soń deputat B.Aldamuratov hám rayonlıq Keńes deputatı Q.Jaqsımuratov penen rayonlıq medicina birlespesine qaraslı tuwıw úyindegi jaratılǵan sharayatlar menen tanıstı. Bólimde ana hám bala salamatlıǵın támiyinlew boyınsha belgilengen wazıypalar hám zamanagóy apparaturalar menen támiyinleniwi, dúnyaǵa kelip atırǵan nárestelerdiń salamatlıǵın qorǵaw, biypul dári-darmaqlar menen támiyinlew barısı úyrenildi.