O‘zbekiston Respublikasi Oliy Majlisi Senati a’zosi Jamila Bobonazarova, Xalq deputatlari Jizzax viloyati Kengashi kotibiyati mudiri Nodira Karimova, viloyat Kengashi deputati Anorboy Eshmatov, hamda tuman Kengashi deputatlari X.Abduvohidov, K.Mamanova, N.Sulaymonov «G‘alaba» mahallasi uchun yangidan qurilgan bino faoliyati bilan tanishdilar.

Tashrif davomida mahallada aholi uchun yaratilgan sharoitlar, fuqarolar murojaatlari bilan ishlash hamda mahallabay ishlarni samarali tashkil etish masalalari o‘rganildi.

Yangi bino mahalla aholiga yaqin va sifatli xizmat ko‘rsatishi, murojaatlarni o‘rganish hamda ijtimoiy masalalarni tizimli hal etish uchun qulay sharoit yaratadi.

O‘rganish davomida mahalla faoliyatini yanada takomillashtirish va aholi bilan ochiq muloqotni kuchaytirish muhimligi ta’kidlandi.