O‘zbekiston Respublikasi Oliy Majlisi Senati a’zosi Jamila Bobonazarova, Xalq deputatlari Jizzax viloyati Kengashi kotibiyati mudiri Nodira Karimova, tuman Kengashi deputatlari K.Mamanova, A.Isaqulov, tuman hokimi o'rinbosarlari hamda yoshlar maslahat guruhi a’zolari ishtirokida “Oltinko‘l” mahallasi hududida joylashgan “PLYAJ” aholi dam olish maskaniga tashrif buyurdi.

Tashrif davomida dam olish maskanida aholi, ayniqsa, yoshlar va oilalarning mazmunli hordiq chiqarishi uchun yaratilgan shart-sharoitlar, hududning obodonlashtirilishi, ko‘rsatilayotgan xizmatlar sifati hamda xavfsizlikni ta’minlash borasida amalga oshirilayotgan ishlar bilan yaqindan tanishildi.

Mazkur hududda aholi uchun dam olish va hordiq chiqarish sharoitlari, mavjud imkoniyatlardan samarali foydalanish hamda turizm yo‘nalishini yanada rivojlantirish borasidagi ishlar ko‘zdan kechirildi.