"E-Kengash" platformasi faoliyatini ommalashtirish ishlari izchil davom etmoqda

🏛 Bugungi kunda davlat organlari va xalq vakillarining aholi bilan ochiq va samarali muloqotini raqamlashtirish, fuqarolar murojaatlarini ko‘rib chiqish jarayonini soddalashtirish hamda byurokratik to‘siqlarni bartaraf etish zamon talabiga aylanib bormoqda. Shu maqsadda Xalq deputatlari Farg‘ona shahar Kengashi kotibiyati tomonidan hududlarda "E-Kengash" elektron platformasi faoliyatini yanada takomillashtirish va aholining deputatlar bilan bevosita muloqot qilish imkoniyatlarini kengaytirishga qaratilgan tizimli ishlar izchil davom ettirilmoqda.
✅ Xalq deputatlari Farg‘ona shahar Kengashi kotibiyatining ish rejasiga muvofiq, Kengash kotibiyati bosh mutaxassisi O. Mirzakarimov 1-A.Qodiriy saylov okrugiga qarashli Z.M.Bobur mahalla fuqarolar yig‘inida bo‘lib, mahalla faollari va fuqarolar o‘rtasida "E-Kengash" elektron platformasining imkoniyatlari yuzasidan keng tushuntirish ishlarini olib bordi.
Tadbir davomida fuqarolarga mazkur platforma orqali deputatlar qabuliga onlayn navbat olish, ariza, shikoyat va takliflarni elektron shaklda yuborish, murojaatlar ijrosi yuzasidan ma'lumotlarni kuzatib borish imkoniyatlari haqida batafsil ma'lumot berildi. Shuningdek, platformadan foydalanish tartibi amaliy misollar orqali tushuntirildi.
Uchrashuv doirasida aholiga qulaylik yaratish maqsadida mahallaning eng gavjum hududlaridan biri bo‘lgan "Ma'lumotlar burchagi"ga "E-Kengash" elektron platformasiga tezkor kirish imkonini beruvchi maxsus QR-kodlar joylashtirildi. Mazkur QR-kodlar orqali fuqarolar mobil qurilmalari yordamida platformaga osongina kirib, deputatlar bilan to‘g‘ridan-to‘g‘ri muloqot o‘rnatish imkoniyatiga ega bo‘ladilar.
✅Ushbu tashabbus nafaqat zamonaviy axborot texnologiyalarini amaliyotga keng joriy etish, balki fuqarolar va deputatlar o‘rtasidagi ochiq muloqotni mustahkamlash, murojaatlar bilan ishlash samaradorligini oshirish hamda hududlarda mavjud muammolarni ortiqcha qog‘ozbozliksiz, tezkor va shaffof tarzda hal etishga xizmat qiladi.
✅ Xalq deputatlari Farg‘ona shahar Kengashi kotibiyati tomonidan "E-Kengash" elektron platformasi imkoniyatlarini keng targ‘ib etish, fuqarolarning raqamli xizmatlardan foydalanish ko‘nikmalarini oshirish hamda deputatlik faoliyatining ochiqligi va shaffofligini ta'minlash borasidagi ishlar izchil davom ettiriladi.

🇺🇿 Xalq deputatlari Farg‘ona shahar Kengashi

✅ Telegram |✅ Facebook | 📹 YouTube | 🌐 Instagram |🇺🇿 E-kengash.uz