Беруний тумани Тиббиёт бирлашмасида Халқ депутатлари Беруний тумани Кенгаши депутатлари томонидан аҳолининг тиббий хизматлардан фойдаланиш ҳолатини ўрганиш, айниқса, Тиббиёт бирлашмасида бепул дори-дармонлар билан таъминлаш масаласини назорат қилиш мақсадида ўрганиш ишлари олиб борилди. 

Ўрганиш жараёнида туман тиббиёт бирлашмасида давлат томонидан ажратиладиган имтиёзли ва бепул дори воситаларининг захираси, уларнинг сақланиш шароити, рўйхат асосида тарқатилиши ҳамда электрон тизим орқали ҳисоб-китоб юритилиши ҳолати кўздан кечирилди. Шунингдек, ижтимоий ҳимояга муҳтож аҳоли қатламига дори-дармонларнинг ўз вақтида ва тўлиқ берилиши, шифокорлар томонидан рецепт ёзиш тартиби, беморлар томонидан келиб тушган мурожаатлар, дори воситаларининг сифати ва яроқлилик муддати атрофлича таҳлил қилинди.