Xalq deputatlari Boyovut tuman Kengashining 2026-yil 1-yarim yilligiga mo‘ljallangan media-rejasining 4-bandida belgilangan vazifalar ijrosini ta’minlash maqsadida bugun hududlarda o‘rganish ishlari olib borildi.

🧾 Unda mahalla ichki yo‘llari holati, tungi yoritish tizimi, shuningdek, yo‘l-transport hodisalari sodir bo‘layotgan nuqtalarda profilaktik chora-tadbirlarning amalga oshirilishi joyiga chiqqan holda ko‘zdan kechirildi.

O‘rganish jarayonida tuman Ichki ishlar bo‘limi boshlig‘i O‘tkir Begimov tomonidan hududda yo‘l harakati xavfsizligini ta’minlash, yo‘l-transport hodisalarining oldini olish maqsadida amalga oshirilayotgan profilaktik tadbirlar, aniqlangan muammolar hamda ularni bartaraf etish bo‘yicha olib borilayotgan ishlar yuzasidan batafsil ma’lumot berildi. Shuningdek, hududlarda amalga oshirilayotgan ishlar joyida ko‘zdan kechirildi.

️Shuningdek, tuman Obodonlashtirish boshqarmasi boshlig‘i Inom Bababekov mahallalarda hamda markaziy yo‘l chetlariga o‘rnatilayotgan tungi yoritgich chiroqlari, ularning qamrovi va amalga oshirilayotgan ishlar haqida ma’lumot berdi. So‘ngra joylarda olib borilayotgan ishlar Kengash raisiga amalda ko‘rsatildi.