Xalq deputatlari Chilonzor tuman Kengashi deputati Maxmudova Donoxon Artikovna tashabbusi bilan “Bilim” axborot-kutubxona markazida “Ayollar manfaati – davlat siyosati markazida” mavzusida davra suhbati tashkil etildi.

Tadbir davomida xotin-qizlarning huquq va manfaatlarini himoya qilish, ularni ijtimoiy qo‘llab-quvvatlash, bandligini ta’minlash, tadbirkorlik faoliyatiga keng jalb etish hamda jamiyatdagi o‘rnini mustahkamlash masalalari yuzasidan fikr almashildi.

Davra suhbatida Donoxon Maxmudova mamlakatimizda xotin-qizlarga yaratilayotgan imkoniyatlar, gender tenglikni ta’minlash borasida amalga oshirilayotgan islohotlar hamda ayollarning siyosiy-ijtimoiy hayotdagi faolligini oshirishga qaratilgan chora-tadbirlar haqida so‘z yuritdi.

Ta’kidlanganidek, ayollarning jamiyatdagi o‘rni va nufuzini yanada mustahkamlash, ularning tashabbuslarini qo‘llab-quvvatlash davlat siyosatining muhim ustuvor yo‘nalishlaridan biridir.