Deputat S.Keldibekova tomonidan "Adirobod" mahallasidagi S.Zunnunova ko‘chasining 200 metr hamda Yangihayot ko‘chasining 100 metr qismi shag‘allashtirilmaganligi sababli yog'ingarchilik paytida yuzaga kelayotgan noqulayliklar yuzasidan tuman Obodonlashtirish boshqarmasiga rasmiy so'rov kiritilgan edi.

Ko'rilgan choralar va natija:

Tuman Obodonlashtirish boshqarmasining rasmiy javobiga ko'ra, mazkur ko'chalardagi holat to'liq o'rganib chiqildi. O‘zbekiston Respublikasi Vazirlar Mahkamasining 2024-yildagi 665-sonli qaroriga muvofiq:

S.Zunnunova va Yangihayot ko‘chalari boshqarma tasarrufidagi ichki yo‘llarni saqlash va joriy ta’mirlash bo‘yicha 2026-yilgi Manzilli ro‘yxatga kiritildi.

Dastur doirasida ajratiladigan mablag‘lar hisobidan ushbu ko‘chalarda shag‘allashtirish ishlari amalga oshirilishi belgilandi.

Mazkur yo'llarni ta'mirlash va aholiga qulaylik yaratish masalasi deputat nazoratiga olingan.