Xalq deputatlari tuman Kengashi deputati B. Sadikova Turkman mahallasi fuqarolari bilan uchrashuv o‘tkazdi. Uchrashuv davomida aholini qiynab kelayotgan muammolar, taklif va murojaatlar tinglandi.

Muloqot jarayonida fuqarolar tomonidan asosan ichki yo‘llar holati, kommunal xizmatlar sifati hamda ijtimoiy masalalarga oid bir qator murojaatlar bildirildi. Deputat tomonidan har bir murojaat atroflicha o‘rganilib, tegishli tashkilotlar bilan hamkorlikda ijobiy hal etish choralarini ko‘rish belgilandi.

Shuningdek, uchrashuv davomida fuqarolar bilan doimiy aloqada bo‘lish, ularning muammolariga tezkor yechim topish deputatlik faoliyatining ustuvor yo‘nalishlaridan biri ekani ta’kidlandi.

Bunday uchrashuvlar aholi bilan bevosita muloqotni kuchaytirish, joylardagi muammolarni o‘z vaqtida aniqlab, ularni bartaraf etishda muhim ahamiyat kasb etadi.