Korrupsiyaga qarshi kurashish va xavfsizlik masalalari bo‘yicha doimiy komissiya yig‘ilishi bo‘lib o‘tdi

Xalq deputatlari O‘rta Chirchiq tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Yig‘ilish kun tartibida: O‘zbekiston Respublikasi Oliy Majlisi Senatining Mahalliy Kengashlarning nazorat va norma ijodkorligi faoliyatini monitoring qilish bo‘limi tomonidan 2026-yil sentabr oyi davomida o‘tkazilgan tahlillar natijalarini ko‘rib chiqish masalasi muhokama qilindi.

Muhokamada tahlillar natijalari yuzasidan fikr-mulohazalar bildirilib, mahalliy Kengashlarning nazorat faoliyatini yanada takomillashtirish, doimiy komissiyalar ishini samarali tashkil etish hamda aniqlangan masalalar bo‘yicha tegishli choralarni belgilashga e’tibor qaratildi.

Yig‘ilishda doimiy komissiya a’zolari, deputatlar, tuman Kengashi kotibiyati mudiri, bosh mutaxassislar hamda tuman Kengashi ekspert guruhi a’zolari N.Xaitqulov va Sh.Eshovlar ishtirok etdilar.

Kun tartibidagi masala yuzasidan atroflicha muhokama o‘tkazilib, belgilangan vazifalar ijrosini ta’minlash va kelgusidagi ishlarni tizimli tashkil etish bo‘yicha takliflar ko‘rib chiqildi. Muhokama yakunlari asosida doimiy komissiyaning tegishli qarori namunaviy tartibda ishlab chiqildi.

✅Xalq deputatlari O'rta Chirchiq tuman Kengashi kotibiyati axborot xizmati!