Qoziguzar mahallasida yomg‘ir suvlari to‘planishining oldini olishga qaratilgan qurilish ishlari o‘rganildi

📁 Toshkent shahar hokimining 2024-yil 20-martdagi 187-14-0-Q/24-son qarori asosida amalga oshirilayotgan "Toshkent shahrida yog‘ingarchiliklar davrida suv to‘planishi bilan bog‘liq holatlarning oldini olish yuzasidan qurilish-ta’mirlash ishlarini amalga oshirish" loyihasi doirasida Uchtepa tumani Qoziguzar mahallasining 2- va 7-proyezd Guliston ko‘chalarida yangi kollektor quvurlarini yotqizish ishlari olib borilmoqda.

↗️ Mazkur loyiha buyurtmachisi Toshkent shahar hokimligi huzuridagi "Yagona buyurtmachi xizmati" injiniring kompaniyasi bo‘lib, bosh loyihachi "Ravon Loyiha Lux" MChJ, bosh pudratchi esa "Uzwin Future" MChJ hisoblanadi. Loyiha mahalliy budjet mablag‘lari hisobidan moliyalashtirilmoqda.

📈 Qurilish ishlarining borishi bilan tanishish maqsadida xalq deputatlari Uchtepa tumani Kengashi kotibiyati mudiri Anvar Usmanov hamda Kengash kotibiyatining bosh mutaxassisi Zarnigor Kuziyeva tomonidan joyiga chiqib o‘rganish ishlari olib borildi. O‘rganish davomida amalga oshirilayotgan ishlarning sifati, belgilangan muddatlarga rioya etilishi hamda loyihani o‘z vaqtida va sifatli yakunlash yuzasidan mas’ullar bilan muhokamalar o‘tkazildi.