📍 24-sessiya kun tartibidagi masala yuzasidan o‘rganish olib borildi

🏛 Xalq deputatlari Sherobod tuman Kengashining navbatdagi 24-sessiyasi kun tartibiga kiritilgan masalalarni puxta va sifatli ko‘rib chiqish maqsadida joylarda o‘rganish ishlari davom etmoqda.

👥 Xalq deputatlari Sherobod tuman Kengashining 18-Cho‘yinchi–Qishloqbozor saylov okrugi deputati B. Toshpo‘latov hamda Kengash kotibiyati bosh mutaxassisi S. Safarov tomonidan kun tartibidagi masala yuzasidan hududda o‘rganish ishlari olib borildi.

🌱 O‘rganish davomida “Qishloqbozor” mahallasida tumanda yer resurslaridan oqilona va samarali foydalanish, ekin maydonlarining holati, qishloq xo‘jaligi sohasini rivojlantirish hamda mavjud imkoniyatlardan unumli foydalanish borasida amalga oshirilayotgan ishlar joyiga chiqqan holda ko‘zdan kechirildi.

📋 Shuningdek, aniqlangan holatlar yuzasidan mas’ullar bilan fikr almashilib, mavjud muammolarni bartaraf etish va sohani yanada rivojlantirish bo‘yicha taklif hamda tavsiyalar ishlab chiqildi. O‘rganish natijalari Xalq deputatlari Sherobod tuman Kengashining navbatdagi 24-sessiyasida atroflicha muhokama qilinadi.

🤝 Bunday o‘rganishlar hududlarni kompleks rivojlantirish, yer resurslaridan samarali foydalanishni ta’minlash hamda qishloq xo‘jaligi sohasida amalga oshirilayotgan islohotlar samaradorligini oshirishga xizmat qiladi.