#_deputat_faoliyati
#_162_ta_qonun
#_24_ta_masala
“Niholzor” mahallasida yettilik faoliyati o‘rganildi.

Xalq deputatlari Sariosiyo tuman Kengashining “19-Olmazor” saylov okrugidan saylangan deputat S.Qurbonov hamda tuman Kengashi kotibiyati bosh mutaxassisi N.Xamdamova tomonidan “Niholzor” mahallasida yettilik faoliyati hamda O‘zbekiston Respublikasining 2016-yil 26-dekabrdagi “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘RQ-415-sonli Qonun ijrosi yuzasidan deputatlik nazorati tadbiri o‘tkazildi.
O‘rganish davomida yettilik tomonidan hududda amalga oshirilayotgan ishlar, fuqarolar murojaatlari bilan ishlash, ijtimoiy muammolarni aniqlash va ularni bartaraf etish yuzasidan olib borilayotgan faoliyat ko‘zdan kechirildi.
Shuningdek, mahalla mas’ullari va fuqarolar bilan muloqot o‘tkazilib, yettilik faoliyatining samaradorligini yanada oshirish, aholi bilan ishlash tizimini takomillashtirish hamda mavjud muammolarni o‘z vaqtida hal etish bo‘yicha fikr almashildi va murojaatlar daftari yuritildi.
O‘rganish yakunlari bo‘yicha aniqlangan holatlar yuzasidan tegishli tavsiya va ko‘rsatmalar berildi hamda yettilik faoliyati ustidan nazorat ishlari davom ettirilishi belgilandi.