Xalq deputatlari Qo‘qon shahar Kengashi deputati F.Qahharova tomonidan "Shaldiramoq" mahalla fuqarolar yig‘ini ijtimoiy xodimi U.Kenjaboyev faoliyati hamda O‘zbekiston Respublikasining 2017-yil 11-sentabrdagi O‘RQ-415-sonli “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonuni ijrosi yuzasidan amalga oshirilayotgan ishlar o‘rganildi.

O‘rganish davomida qonun talablarining amaliy ijrosi, ehtiyojmand fuqarolarni ijtimoiy qo‘llab-quvvatlash, ularga ko‘rsatilayotgan ijtimoiy xizmatlar hamda yashash sharoitlarini yaxshilash borasida amalga oshirilayotgan ishlar yuzasidan mas’ullar bilan atroflicha fikr almashildi.

Shuningdek, "Shaldiramoq" MFY hududida A.Temur I ko‘chasi 5/26-xonadonda yashovchi fuqaro G.Egamberdiyeva, Shaldiramoq ko‘chasi 3/24-xonadonda yashovchi fuqaro X.Komilov hamda Shaldiramoq ko‘chasi 1/1-uyda yashovchi fuqaro A.Xamidovning xonadonlarida amalga oshirilgan ta’mirlash ishlari joyiga chiqqan holda ko‘zdan kechirildi.

O‘rganish jarayonida bajarilgan ta’mirlash ishlarining sifati, fuqarolarga yaratilgan sharoitlar hamda amalga oshirilgan ishlarning amaldagi talablarga muvofiqligi baholanib, mas’ullar bilan mavjud masalalar yuzasidan fikr almashildi.

Uchrashuv va o‘rganish jarayonida Xalq deputatlari Qo‘qon shahar Kengashi kotibiyatining bosh mutaxassislari X.Abdullayev hamda A.Adhamov tomonidan amaliy ko‘mak ko‘rsatildi.

Xalq deputatlari Qo‘qon shahar Kengashi