Xalq deputatlari Angor tumani Kengashining 17-Yangi hayot saylov okrugidan saylangan deputat Mustafo Sadatov o‘ziga biriktirilgan Angor tumani “Inson” ijtimoiy xizmatlar markazi faoliyati bilan yaqindan tanishdi.

O‘rganish jarayonida markaz tomonidan aholiga ko‘rsatilayotgan ijtimoiy xizmatlar sifati, fuqarolar murojaatlarini o‘z vaqtida va samarali ko‘rib chiqish tizimi, ehtiyojmand oilalar hamda ijtimoiy himoyaga muhtoj fuqarolarni har tomonlama qo‘llab-quvvatlash borasida amalga oshirilayotgan ishlar atroflicha tahlil qilindi. Shuningdek, markazda yaratilgan shart-sharoitlar, xizmat ko‘rsatish jarayonining tashkil etilishi hamda mavjud imkoniyatlar bilan tanishildi.

Muloqot davomida markaz faoliyatini yanada takomillashtirish, aholiga ko‘rsatilayotgan ijtimoiy xizmatlarning sifati va manzilliligini oshirish, murojaatlar bilan ishlash samaradorligini kuchaytirish hamda fuqarolarga qulay va zamonaviy xizmat ko‘rsatish tizimini rivojlantirish yuzasidan mas’ullar bilan fikr almashilib, tegishli taklif va tavsiyalar bildirildi.

Mazkur o‘rganish deputatlik nazorati doirasida davlat organlari faoliyatining ochiqligi va samaradorligini ta’minlash, aholining ijtimoiy himoyasini yanada kuchaytirish hamda fuqarolar manfaatlarini himoya qilishga qaratilgan muhim amaliy ishlardan biri bo‘ldi.