ADLIYA BO‘LIMINING YARIM YILLIK AXBOROTI DOIMIY KOMISSIYADA KO‘RIB CHIQILDI 

Xalq deputatlari Quva tuman Kengashining “Korrupsiyaga qarshi kurashish va
xavfsizlik masalalari bo‘yicha” doimiy komissiyasining navbatdagi yig‘ilishi
bo‘lib o‘tdi.

Yig‘ilishda doimiy komissiya a’zolari, Xalq deputatlari Quva tuman Kengashi
huzuridagi Ekspert-maslahat guruhi a’zosi B.Abdurahimov hamda Yoshlar maslahat
guruhi vakili J.Abdurashidov ishtirok etdi.

Yig‘ilish kun tartibiga muvofiq, tumanda 2026-yilning birinchi yarim yilligi
davomida davlat organlari va tashkilotlarida norma ijodkorligi hamda huquqni
qo‘llash amaliyotining holati, shuningdek, joylarda korrupsiyaviy omillarning
oldini olish, ochiqlik va qonuniylikni ta’minlash, korrupsiya holatlariga yo‘l
qo‘ymaslik borasida amalga oshirilgan ishlar to‘g‘risida tuman Adliya
bo‘limining axboroti o‘rganilib, atroflicha muhokama qilindi.

Muhokamalar davomida sohada amalga oshirilgan ishlar tahlil qilinib, huquqiy
hujjatlarning sifatli ishlab chiqilishi, ularning qonunchilik talablariga
muvofiqligi, huquqni qo‘llash amaliyotida uchrayotgan muammolar hamda ularni
bartaraf etish choralari yuzasidan komissiya a’zolari tomonidan taklif va
mulohazalar bildirildi.

Yig‘ilish yakunida muhokama etilgan masala yuzasidan tegishli qaror qabul
qilinib, davlat organlari va tashkilotlarida korrupsiyaning oldini olish,
qonunchilik ijrosini ta’minlash hamda huquqiy targ‘ibot ishlarini yanada
kuchaytirish bo‘yicha mas’ullarga tegishli tavsiyalar berildi.