Shu maqsadda Xalq deputatlari Termiz shahar Kengashi raisi D.Normurodova, Kengash kotibiyati mudiri A.Ashurov, Kengash kotibiyati bosh mutaxassisi A.Temirov hamda shahar Kengashiga 25-"Kokildorota" saylov okrugidan saylangan deputat M.Sidiqovaning okrugiga qarashli "Kokildorota" mahallasida navbatdagi o‘rganish tadbiri o‘tkazildi.

O‘rganish ishlari O‘zbekiston Respublikasi Prezidentining 2026-yil 24-iyundagi PF–116-sonli "Mahalla boshqaruvini samarali tashkil etishga oid qo‘shimcha chora-tadbirlar to‘g‘risida"gi Farmoni ijrosi doirasida tashkil etildi.

🔍 Monitoring davomida mahalla raisi va "Mahalla yettiligi" faoliyatining tashkil etilishi, aholi bilan ishlash tizimi, xonadonbay yurishlar, fuqarolar murojaatlarini ko‘rib chiqish, hududni obodonlashtirish, kambag‘allikni qisqartirish, bandlikni ta’minlash, ijtimoiy himoyaga muhtoj oilalarni qo‘llab-quvvatlash, kommunal xizmatlar sifati, ta’lim va sog‘liqni saqlash muassasalari bilan hamkorlik, ekologik madaniyatni yuksaltirish hamda jamoatchilik nazoratini kuchaytirish borasidagi ishlar atroflicha tahlil qilindi.

💬 Shuningdek, PF–116-son Farmonda mahalla raisi zimmasiga yuklatilgan ustuvor vazifalar, jumladan, "Mahalla yettiligi" faoliyatini muvofiqlashtirish, aholining muammolarini manzilli hal etish, hudud infratuzilmasini rivojlantirish, obodonlashtirish ishlarini tashkil etish, fuqarolar yig‘inida davlat organlari rahbarlarining hisobotlarini eshitish hamda mahallada sog‘lom ijtimoiy-ma’naviy muhitni ta’minlash borasidagi ishlarning amaldagi holati joyida o‘rganildi.