Shu maqsadda Xalq deputatlari Termiz shahar Kengashi raisi D.Normurodova, Kengash kotibiyati mudiri A.Ashurov hamda Kengash kotibiyati xodimi R.Mamashukurov 6-"Alpomish" saylov okrugi hududida bo‘lib, mahallada amalga oshirilayotgan ishlar holatini joyiga chiqqan holda o‘rgandilar.

O‘rganish ishlari O‘zbekiston Respublikasi Prezidentining 2026-yil 24-iyundagi PF–116-sonli "Mahalla boshqaruvini samarali tashkil etishga oid qo‘shimcha chora-tadbirlar to‘g‘risida"gi Farmoni, Oliy Majlis Senati Kengashining 2026-yil 22-iyundagi KQ–360-V-sonli qarori hamda mahalliy Kengash deputatlari faoliyati uchun belgilangan "Mahalliy Kengash deputati faoliyatining eng muhim 24 ta yo‘nalishi" asosida tashkil etildi.

🔍 Monitoring davomida 24 ta eng muhim yo‘nalishning 6-yo‘nalishi doirasida mahalla xotin-qizlar faoli tomonidan xotin-qizlarni ijtimoiy qo‘llab-quvvatlash, ularning bandligini ta’minlash, muammolarini o‘z vaqtida aniqlash va hal etish, oilalarda sog‘lom ma’naviy muhitni mustahkamlash borasida amalga oshirilayotgan ishlar atroflicha tahlil qilindi.

🤝 Shuningdek, mutasaddilar bilan o‘tkazilgan muloqotlarda xotin-qizlarning tadbirkorlikka jalb etilishi, kasb-hunarga o‘qitilishi, ijtimoiy himoyaga muhtoj oilalarni qo‘llab-quvvatlash hamda mahallada olib borilayotgan profilaktik va ma’naviy-ma’rifiy tadbirlarning samaradorligi yuzasidan fikr almashildi.

📋 O‘rganish davomida mahalla hududida mavjud bo‘lgan bir qator texnik va obodonlashtirish bilan bog‘liq kamchiliklar aniqlandi. Jumladan, infratuzilma holati, hududlarni obodonlashtirish va aholi murojaatlarida ko‘tarilgan ayrim masalalar joyida ko‘zdan kechirildi. Aniqlangan muammo va kamchiliklar deputat A.Ashurovning "Murojaat daftari"ga batafsil qayd etilib, ularni bartaraf etish yuzasidan mas'ul tashkilotlarga tegishli tartibda murojaatlar kiritilishi hamda ijrosi deputatlik nazoratiga olinishi belgilandi.

✅ Xalq deputatlari Termiz shahar Kengashi tomonidan mahallalarda qonun hujjatlari ijrosi, davlat dasturlari va ijtimoiy loyihalarning samaradorligi ustidan deputatlik nazoratini kuchaytirish, mavjud muammolarni joyida aniqlash va ularning yechimini ta’minlashga qaratilgan o‘rganish ishlari izchil davom ettirilmoqda.