📖 O‘zbekiston Respublikasining **2001-yil 11-maydagi 215-II-son "Aholini sil kasalligidan muhofaza qilish to‘g‘risida"**gi Qonuni ijrosini ta’minlash maqsadida Xalq deputatlari Shovot tumani Kengashi deputati G‘.Ollamov hamda Kengash kotibiyati xodimi U.Ruzmetov tomonidan deputatning saylov okrugidagi 2-son oilaviy poliklinika faoliyati o‘rganildi.
🏥 O‘rganish jarayonida muassasada fuqarolarga yaratilgan tibbiy xizmat ko‘rsatish sharoitlari, sil kasalligini erta aniqlash va profilaktika qilish bo‘yicha olib borilayotgan ishlar, bemorlarni dori vositalari bilan ta’minlash holati hamda dori-darmon vositalarining saqlanish sharoiti va mavjud zaxirasi ko‘zdan kechirildi.
💊 Shuningdek, dori vositalarini saqlashda amaldagi sanitariya-gigiyena hamda belgilangan me’yoriy talablarning bajarilishi, ularning hisobini yuritish va fuqarolarni uzluksiz dori vositalari bilan ta’minlash tizimi yuzasidan mas’ullar bilan fikr almashildi.
📋 O‘rganish davomida aniqlangan holatlar yuzasidan tegishli tavsiya va takliflar berilib, qonun talablarining to‘liq ijrosini ta’minlash yuzasidan mas’ullarga zarur ko‘rsatmalar bildirildi.
🤝 Aholi salomatligini muhofaza qilish, sil kasalligining oldini olish hamda sifatli tibbiy xizmat ko‘rsatishni ta’minlash borasidagi o‘rganishlar izchil davom ettiriladi.