#qonun_19_1_modda
#doimiy_komissiya
#deputatlik_nazorati
#ekspert_guruhi
#tavsiyalar

Bunyodkor MFYdagi 11-son “Paxtakor” madaniyat markazi faoliyati o‘rganildi

Xalq deputatlari Kogon shahar Kengashi raisi A. Yangiyev, Kengash kotibiyati mudiri Sh. Isamutdinov hamda kotibiyat mutaxassisi Z. Temirova tomonidan Bunyodkor mahalla fuqarolar yig‘ini hududidagi 11-son “Paxtakor” madaniyat markazining faoliyati joyiga chiqib o‘rganildi.

O‘rganish davomida madaniyat markazida yaratilgan shart-sharoitlar, mavjud moddiy-texnik baza, jumladan cholg‘u asboblarining yetarliligi, saqlanish holati va ulardan foydalanish imkoniyatlari, shuningdek, markaz faoliyatini samarali tashkil etish bo‘yicha amalga oshirilayotgan ishlar ko‘zdan kechirildi.

Shuningdek, madaniyat markazining moddiy-texnik imkoniyatlarini yanada mustahkamlash, aholi va yoshlarning madaniy ehtiyojlarini qondirish hamda ijodiy faoliyat uchun yaratilgan sharoitlarni yaxshilash masalalariga e’tibor qaratildi.

O‘rganish yakunlari bo‘yicha aniqlangan holatlar hududdan saylangan deputat D. Adizova nazoratiga olinib, deputatlik faoliyatini tashkiliy jihatdan ta’minlash ishlari mas’ul mutaxassis I. Ikromov tomonidan olib borilmoqda.

Xalq deputatlari
Kogon shahar Kengashi
axborot xizmati

Telegram . Instagram . Facebook . Youtube . E-kengash