Xalq deputatlari Pastdarg‘om tuman Kengashi deputati J.Ochilov tomonidan Mehnat mahallasida joylashgan 73-sonli umumiy o‘rta ta’lim maktabida o‘rganish ishlari olib borildi.

O‘rganish jarayonida maktab hududida transformator mavjud bo‘lishiga qaramasdan, u elektr tarmog‘iga ulanmagani sababli muassasaning elektr ta’minoti bilan bog‘liq ayrim muammolar mavjudligi aniqlandi.

Shuningdek, maktab rahbariyati ushbu masalani hal etishda amaliy yordamga ehtiyoj sezayotgani ma’lum bo‘ldi.

Deputat tomonidan muammoni bartaraf etish yuzasidan tegishli tashkilotlar bilan hamkorlikda zarur choralar ko‘rish, transformatorni ishga tushirish va maktabning elektr ta’minotini yaxshilash masalasi nazoratga olindi.

Ta’lim muassasalarida qulay sharoit yaratish hamda mavjud muammolarni o‘z vaqtida hal etish deputatlik faoliyatining ustuvor yo‘nalishlaridan biri bo‘lib qolmoqda.