Xalq deputatlari Jondor tumani Kengashining Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.
Yig‘ilishda Buxoro viloyati Ekologiya, atrof-muhitni muhofaza qilish va iqlim o‘zgarishi boshqarmasi Jondor tuman bo‘limi boshlig‘i B.Qurbonovning 2026 yilning birinchi yarim yilligi davomida amalga oshirilgan ishlar yuzasidan hisoboti hamda O‘zbekiston Ekologik partiyasi Jondor tuman Kengashi deputatlik guruhining axboroti atroflicha muhokama qilindi.
Hisobotda tuman hududida atrof-muhitni muhofaza qilish, ekologik nazoratni kuchaytirish, chiqindilarni boshqarish tizimini takomillashtirish, daraxt va yashil hududlarni saqlash, noqonuniy qum-shag‘al qazib olish holatlarining oldini olish, aholi o‘rtasida ekologik madaniyatni yuksaltirish hamda iqlim o‘zgarishining salbiy ta’sirini yumshatish bo‘yicha amalga oshirilgan ishlar haqida batafsil ma’lumot berildi.
Shuningdek, O‘zbekiston Ekologik partiyasi tuman Kengashi deputatlik guruhi tomonidan ekologik qonunchilik ijrosi ustidan deputatlik nazoratini kuchaytirish, aholi murojaatlari bilan ishlash, mahallalarda ekologik muammolarni bartaraf etish yuzasidan amalga oshirilgan ishlar hamda kelgusidagi ustuvor vazifalar haqida axborot taqdim etildi.
Muhokamalar davomida doimiy komissiya a’zolari tomonidan hisobot va axborot yuzasidan fikr-mulohazalar, taklif hamda tavsiyalar bildirildi. Xususan, chiqindilar bilan bog‘liq muammolarni bartaraf etish, ko‘kalamzorlashtirish ishlarini yanada kengaytirish, suv resurslaridan oqilona foydalanish, ekologik nazorat tadbirlari samaradorligini oshirish va aholi o‘rtasida targ‘ibot ishlarini kuchaytirish masalalariga alohida e’tibor qaratildi.
Yig‘ilish yakunida muhokama qilingan masalalar yuzasidan tegishli qaror qabul qilinib, mutasaddi tashkilotlarga aniq vazifalar va tavsiyalar berildi. Doimiy komissiya tomonidan belgilangan topshiriqlar ijrosi ustidan deputatlik nazoratini muntazam amalga oshirish ta’kidlandi.
Mazkur yig‘ilish ekologik barqarorlikni ta’minlash, atrof-muhit muhofazasi sohasidagi ishlar samaradorligini oshirish hamda davlat organlari va deputatlik korpusi o‘rtasid