Xalq deputatlari Sardoba tumani Kengashi kotibiyati mudirining 10-iyun ish rejasi ijrosi yuzasidan Xalq deputatlari Sardoba tumani Kengashi raisi R.Tashpulatov tomonidan Birlashgan mahallasi aholisi va saylovchilari bilan ochiq muloqot shaklida uchrashuv o‘tkazildi.
Uchrashuv davomida mahallada amalga oshirilayotgan ijtimoiy-iqtisodiy islohotlar, aholini qiynayotgan muammolar hamda ularni bartaraf etish bo‘yicha olib borilayotgan ishlar yuzasidan fikr almashildi. Saylovchilar tomonidan kommunal xizmatlar sifati, infratuzilmani yaxshilash, bandlikni ta’minlash va yoshlarni qo‘llab-quvvatlashga oid qator taklif va murojaatlar bildirildi.
R.Tashpulatov har bir murojaatni atroflicha o‘rganish, ko‘tarilgan masalalarning ijrosini ta’minlash hamda tegishli tashkilotlar bilan hamkorlikda amaliy choralar ko‘rish bo‘yicha mutasaddilarga tegishli topshiriqlar berdi.Uchrashuv ochiq va samimiy ruhda o‘tib, aholi bilan doimiy muloqotni kuchaytirish, fuqarolarning fikr va takliflarini inobatga olgan holda hududlarni yana-da rivojlantirishda muhim ahamiyat kasb etishi ta’kidlandi.
Bunday muloqotlar xalq ishonchini mustahkamlash va davlat organlari faoliyatining ochiqligini ta’minlashga xizmat qiladi.