Xalq deputatlari Shovot tumani Kengashining Korrupsiyaga qarshi kurashish va xavfsizlik masalalari hamda Mahalliy budjet, tadbirkorlikni rivojlantirish va iqtisodiy islohotlar masalalari boʻyicha doimiy komissiyalarining qoʻshma qarori qabul qilindi. Unda "Qunduz" MFY raisi U. Ruzmetovning "Mahalla yettiligi" tomonidan 2026-yilning birinchi yarim yilligida amalga oshirilgan ishlar yuzasidan hisoboti atroflicha koʻrib chiqildi va ma’qullandi.
📉 Asosiy iqtisodiy va ijtimoiy koʻrsatkichlar:
Kambagʻallikni qisqartirish: Mahalladagi tizimli ishlar natijasida kambagʻallik darajasi 8 foizdan 4,9 foizgacha tushirildi.
Kredit va tadbirkorlik: 23 nafar oʻzini oʻzi band qilgan fuqaroga "Agrobank" tomonidan jami 863 million soʻm imtiyozli kredit ajratilib, 7 ta yangi tadbirkorlik subyekti tashkil etildi.
Yoshlar bandligi: "Qizil" toifadagi 7 nafar ishsiz yoshlarning barchasi muqarrar band qilindi.
"Yashil" mahalla: Profilaktik tadbirlar natijasida mahallada ogʻir jinoyatlar qayd etilmadi va kriminogen vaziyat barqaror saqlanib qolindi.
Mahalla budjeti: Jismoniy shaxslarning yer va mol-mulk soligʻidan tushgan mablagʻning 10 foizi (23 mln 210 ming soʻm) mahallaning oʻz budjetida qolib, obodonlashtirish ishlariga yoʻnaltirildi.
⚡️ Doimiy komissiyalar qaroriga koʻra, "Mahalla yettiligi" tomonidan amalga oshirilgan ishlar qoniqarli deb baholandi va kelgusida kambagʻallikni yanada qisqartirish hamda infratuzilmani rivojlantirish boʻyicha aniq vazifalar belgilab berildi.
Mazkur masala xalq deputatlari tuman Kengashining navbatdagi sessiyasi muhokamasiga kiritilmoqda.