Mazkur nazorat-tahlil tadbirlari O‘zbekiston Respublikasi Prezidentining 2026-yil 24-iyundagi PF–116-sonli “Mahalla boshqaruvini samarali tashkil etishga oid qo‘shimcha chora-tadbirlar to‘g‘risida”gi Farmoni hamda Oliy Majlis Senati Kengashining 2026-yil 22-iyundagi KQ–360-V-sonli qarori ijrosini ta’minlash maqsadida tashkil etilmoqda.

⏺Shu munosabat bilan, Xalq deputatlari Termiz shahar Kengashi raisi D.Normuradova, Kotibiyat mudiri A.Ashurov hamda kotibiyat bosh mutaxassisi R.Mamashukurovlar 18-“Mehrobod” saylov okrugi deputati B.Xollozovning okrugiga qarashli “Mehrobod” mahallasida bo‘ldilar.

💬Yig‘ilishda “Mahalliy Kengash deputati faoliyatining eng muhim 24 ta yo‘nalishi” mezonlari doirasida quyidagi hayotiy masalalar tahlil qilindi:

🟢Mahalla boshqaruvining samaradorligi: PF-116-sonli Farmon doirasida "Mehrobod" mahallasida boshqaruv tizimini to‘g‘ri tashkil etish, "mahalla yettiligi"ning o‘zaro hamkorlik mexanizmlari holati;

🟢Kambag‘allikni qisqartirish va bandlik: Mahallabay ishlash tizimi orqali ishsiz aholi, yoshlar va xotin-qizlar bandligini ta’minlash borasida hokim yordamchisi va faollar tomonidan ko‘rilayotgan choralar;

🟢Murojaatlar bilan ishlash: Fuqarolardan kelib tushayotgan har bir taklif va muammoning o‘z vaqtida, qonuniy ko‘rib chiqilishi hamda deputatlik nazoratiga olinishi samaradorligi.

💬"Prezidentimizning yangi Farmonida mahalla boshqaruvini yangi bosqichga ko‘tarish bo‘yicha qat'iy vazifalar belgilandi. Biz deputat sifatida har bir mahallada ushbu islohotlarning real natijasini ta'minlashimiz, aholining yashash sharoitini yaxshilashda 'mahalla yettiligi'ga eng yaqin ko‘makchi bo‘lishimiz shart," — dedi Kengash raisi.

🫥O‘rganish davomida aniqlangan tizimli masalalar va takliflar umumlashtirilib, shahar Kengashining navbatdagi doimiy komissiya yig‘ilishlari hamda sessiya muhokamalariga kiritilishi belgilab olindi.