Xalq deputatlari Boyovut tumani Kengashi deputati Eldor Erkaboyev tomonidan Boyovut hududini suv bilan ta’minlovchi P-1 kanalida olib borilayotgan betonlashtirish ishlari joyiga chiqib o‘rganildi.

Mazkur loyiha oqar suvni behuda sarf bo‘lishining oldini olish, suvdan samarali va oqilona foydalanishni ta’minlash maqsadida amalga oshirilmoqda. O‘rganish davomida qurilish ishlari sifati, belgilangan muddatlarga rioya etilishi hamda mavjud sharoitlar atroflicha ko‘zdan kechirildi.

Ma’lum qilinishicha, hozirgi kunga qadar kanalning 7 kilometr qismi to‘liq betonlashtirilgan bo‘lib, qolgan qismini ham yaqin kunlarda yakunlab, foydalanishga topshirish rejalashtirilgan.

Mazkur ishlar hududda suv ta’minoti barqarorligini oshirish va yo‘qotishlarni kamaytirishda muhim ahamiyat kasb etadi.