Xalq deputatlari Namangan shahar Kengashining haftalik

ISH REJASI (2026-yil 30-mart – 3-aprel)

 30-mart kuni Namangan shahar Iqtisodiyot va moliya bo‘limining 2026-yil 26-martdagi 07-01/633-sonli xatiga asosan:

— 2026-yilda Namangan shahri bo‘yicha alkogol mahsulotlarini realizatsiya qilish huquqi;

— umumiy ovqatlanish korxonalari tomonidan alkogol mahsulotlarini realizatsiya qilish uchun yig‘imlarning cheklangan stavkalarini oshirish;

— “Ochiq budjet” axborot portali orqali fuqarolar tomonidan bildirilgan takliflar bo‘yicha g‘olib loyihalarni tasdiqlash va mablag‘larni yo‘naltirish masalalari

Shahar hokimining birinchi o'rinbosari D.Umurzoqovni kengash raisi nomiga yozgan bildirishnomasiga asosan:

— O‘zbekiston Respublikasi Prezidentining 2026-yil 5-fevraldagi “2026-yilda hududlarni yangicha yondoshuvlar asosida rivojlantirish orqali aholi daromadlarini oshirish, barqaror ish o‘rinlari yaratish hamda kambag‘allikni qisqartirish chora-tadbirlari to‘g‘risida”gi PQ-49-son qarori ijrosi to‘g‘risida

 “Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiya”da ko‘rib chiqiladi.

Mas’ullar: Kotibiyat mudiri, bosh mutaxassislar

 31-mart kuni Xalq deputatlari Namangan shahar Kengashining 10-Ma’rifat saylov okrugi deputati A. Raxmotullayev tomonidan “Obod” MFYda aholi bilan uchrashuv o‘tkazilib, murojaatlar va takliflar o‘rganiladi.

Mas’ullar: Kotibiyat mudiri, bosh mutaxassislar

 1-aprel kuni Xalq deputatlari Namangan shahar Kengashining 1-Sanoat saylov okrugi deputati N. Sadritdinov tomonidan “Oltitosh” MFYda:

— aholining ijtimoiy ehtiyojmand qatlamlariga ko‘rsatilayotgan xizmatlar sifati;

— kam ta’minlangan oilalarga ijtimoiy nafaqalar va moddiy yordam tayinlash hamda to‘lash holati o‘rganiladi.

Mas’ullar: Kotibiyat mudiri, bosh mutaxassislar

 2-aprel kuni:

— Kengash raisi tomonidan 3-Yangi qurilish okrugi “Yangi hayot” MFYda;

— Kengash kotibiyati mudiri tomonidan 25-Yuksalish okrugi “Madaniy-ma’rifat” MFYda “Mahalla yettiligi” ishtirokida aholi bilan uchrashuvlar o‘tkaziladi.

Shuningdek, “Deputatlar kuni” munosabati bilan barcha deputatlar tomonidan saylov okruglarida fuqarolar murojaatlari bilan ishlash, hududlardagi muammolarni o‘rganish hamda nazorat-tahlil ishlari amalga oshiriladi.

Mas’ullar: Kotibiyat mudiri, bosh mutaxassislar

 3-aprel kuni Xalq deputatlari Namangan shahar Kengashining 9-Dashtbog‘ saylov okrugi deputati I. Kamalov tomonidan “Zarafshon” va “Zarkent” MFYlarda maishiy chiqindilarni olib chiqish holati o‘rganiladi.

Mas’ullar: Kotibiyat mudiri, bosh mutaxassislar