Mirzaobod tumani Xalq deputatlari Kengashining “1–Yangi O‘zbekiston” saylov okrugi deputati Kamola O‘rolova tomonidan Yangi O‘zbekiston mahallasi binosida mahalla yettiligi a’zolari va saylovchilar bilan navbatdagi uchrashuv tashkil etildi.

Uchrashuv jarayonida avvalo ijtimoiy soha va yoshlar masalalariga alohida e’tibor qaratildi.

Shuningdek, quyidagi dolzarb muammolar qayd etildi:

Mahallada ichimlik suvi ta’minotida uzilishlar kuzatilayotgani, ayrim hollarda suv yetkazib berish to‘xtab qolayotgani aholi uchun jiddiy noqulaylik tug‘dirayotgani ta’kidlandi.

Ko‘p qavatli uylarning kirish yo‘laklaridagi yoritish moslamalari nosoz holga kelgani va ularni ta’mirlash zarurligi bildirildi.

Maishiy chiqindilarni olib chiqish ishlari belgilangan muddatlarda amalga oshirilmayotgani, bu esa sanitariya holatiga salbiy ta’sir ko‘rsatayotgani qayd etildi.

📈 Uchrashuv yakunida bildirilgan barcha murojaatlar tegishli tartibda ro‘yxatga olinib, mas’ul tashkilotlar bilan hamkorlikda ularni bosqichma-bosqich bartaraf etish bo‘yicha aniq chora-tadbirlar belgilab olindi.