"Tashabbusli byudjet" loyihasi doirasidagi qurilish ishlari deputat tomonidan o‘rganildi 🏦 Xalq deputatlari Kosonsoy tumani Kengashining Majnuntol saylov okrugidan saylangan deputati M. Teshaboev tomonidan "Soycha" mahalla fuqarolar yig‘ini hududida "Tashabbusli byudjet" loyihasi asosida amalga oshirilayotgan asfaltlash ishlarining borishi joyiga chiqqan holda ko‘zdan kechirildi. 🚜 O‘rganish davomida yo‘llarga asfalt qoplamasini yotqizish ishlarining sifati, belgilangan texnik talablarga rioya etilishi, qurilish ishlarining bajarilish darajasi hamda loyihaning amalga oshirilish sur’ati atroflicha tahlil qilindi. Shuningdek, pudratchi tashkilot va mas’ul mutasaddilar bilan uchrashuv o‘tkazilib, ishlarni o‘z vaqtida va sifatli yakunlash masalalari muhokama etildi. 🤝 Deputat tomonidan ajratilgan byudjet mablag‘laridan samarali va maqsadli foydalanish, qurilish ishlarida sifat nazoratini kuchaytirish hamda aholi uchun xavfsiz, zamonaviy va qulay yo‘l infratuzilmasini yaratish ustuvor vazifalardan ekani ta’kidlandi.