2026-yil 21-avgust kuni Jondor tumani hokimligi majlislar zalida Xalq deputatlari Jondor tumani Kengashining navbatdagi o`ttiz birinchi sessiyasi bo‘lib o‘tdi.

Sessiyada Xalq deputatlari tuman Kengashi deputatlari, tuman hokimining o‘rinbosarlari, kun tartibiga kiritilgan masalalarga aloqador davlat va jamoat tashkilotlari rahbarlari, shuningdek, ommaviy axborot vositalari vakillari ishtirok etdilar.

Sessiya ishida Jondor tumani sanitariya epidemiologik osoyishtalik va jamoat salomatligi bo‘limi tomonidan 2026-yil birinchi yarim yillikda amalga oshirilgan ishlar, Jondor tumani mahalliy budjetining 2026-yil 6 oylik ijrosi, Jondor tumani mahalliy budjetining qoʻshimcha manbalari hisobidan mablagʻlarni yoʻnaltirish, Jondor tumani hokimligi obodonlashtirish boshqarmasi tomonidan markaziy ko‘chalar bo‘yida joylashgan tadbirkorlik subektlari bilan tuzilgan shartnomalar asosida chiqindilarni olib chiqish va hududlarni obodonlashtirish xizmatlari uchun tariflarni tasdiqlash hamda Xalq deputatlari Jondor tumani Kengashining 2026-yil 1-maydagi VII-26-42-2-35-K/26-sonli qaroriga qo‘shimcha va oʻzgartirish kiritish masalalari ko‘rib chiqildi.

Kun tartibidagi barcha masalalar bo‘yicha deputatlar tomonidan atroflicha muhokamalar olib borildi va Xalq deputatlari Jondor tumani Kengashining tegishli qarorlari qabul qilindi.