FUQAROLAR MUROJAATLARI — E’TIBORDA

Xalq deputatlari Termiz tuman Kengashi 14-“Surxon” saylov okrugi deputati J. Taxchiyeva tomonidan hududda istiqomat qiluvchi fuqarolarning muammo va takliflarini o‘rganish maqsadida uyma-uy yurib uchrashuvlar o‘tkazildi.

Uchrashuvlar davomida fuqarolarning murojaatlari, muammolari va takliflari tinglanib, ularning yechimini topish bo‘yicha tegishli masalalar belgilab olindi. Bildirilgan murojaatlar murojaatlar daftariga qayd etildi va ularning ijrosi deputatlik nazorati asosida kuzatib borilishi belgilandi.

Deputatning bunday amaliy faoliyati aholi bilan bevosita muloqotni yo‘lga qo‘yish, hududdagi muammolarni o‘z vaqtida aniqlash va ularni hal etishga xizmat qilmoqda.

Asosiy maqsad — xalq dardi bilan yashash, murojaatlarni tinglash va amaliy yechim topish!