Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston “Adolat” sotsial-demokratik partiyasidan saylangan deputat B.Kamalov tomonidan tumanning “Barraj” mahallasida "Dolzarb 40 kun" tadbirlari doirasidagi obodonlashtirish va ko‘kalamzorlashtirish ishlarining borishi joyiga chiqqan holda o‘rganildi.

O‘rganish jarayonida mahallalarda aholi uchun qulay va ozoda muhit yaratish, ko‘chalar, ichki yo‘llar hamda temir yo‘l yoqalarini tartibga keltirish, ariq va zovurlarni tozalash, noqonuniy chiqindilarni bartaraf etish, daraxt va gul ko‘chatlarini parvarishlash, ko‘p qavatli uylar atrofini obodonlashtirish ishlarining bajarilish holati tahlil qilindi.

O‘rganish davomida aniqlangan kamchiliklar yuzasidan tegishli kommunal xizmatlar va mas’ul idoralar vakillariga amaliy tavsiyalar hamda topshiriqlar berildi. Kamchiliklarni qisqa muddatlarda bartaraf etish, aholi uchun yanada obod va xavfsiz muhit yaratish, hududlarning sanitariya holatini yaxshilash bo‘yicha zarur chora-tadbirlarni amalga oshirish lozimligi ta’kidlandi.