Xalq deputatlari Hazorasp tuman Kengashi Kotibiyat mudiri Vaisov Mash’al Islomovich tomonidan Oʻzbekiston Respublikasi Prezidentining PF-17-sonli farmoni ijrosini taʼminlash maqsadida tizimli nazorat-tahlil ishlari olib borildi

 Hazorasp tuman Kengashining 31-sessiyasi kun tartibiga kiritilgan muhim masalalardan biri – “Infratuzilma va ijtimoiy barqarorlik” jamgʻarmasidan ajratilgan mablagʻlarning maqsadli va samarali sarflanishi yuzasidan tuman hokimligi buxgalteriyasida oʻrganish ishlari tashkil etildi.

✅Oʻrganish jarayonida ajratilgan mablagʻlarning yoʻnaltirilishi, ularning tegishli sohalarga maqsadli sarflanishi hamda moliyaviy intizomga rioya etilishi atroflicha tahlil qilindi. Shuningdek, hujjatlar yuritilishi, hisobotlarning haqqoniyligi va shaffoflik darajasi ham sinchiklab koʻrib chiqildi.

📁Nazorat-tahlil ishlari davomida aniqlangan ayrim kamchiliklar yuzasidan masʼullarga tegishli tavsiyalar berilib, ularni bartaraf etish boʻyicha aniq chora-tadbirlar belgilandi.

✅Mazkur jarayonlar hududda ajratilayotgan mablagʻlarning samaradorligini oshirish, ularning maqsadli sarflanishini taʼminlash hamda ijtimoiy-iqtisodiy barqarorlikni mustahkamlashga xizmat qiladi.