Tuman Kengashi deputati O.Baxramova hamda tuman Kengashi kotibiyati bosh mutaxassisi G.Umarovalar “Navro‘z” mahalla fuqarolar yig‘inida bo‘lib, mahallada faoliyat yuritayotgan “mahalla yettiligi” a’zolarining ish faoliyati bilan yaqindan tanishdilar.

✅Tashrif davomida hududda amalga oshirilayotgan ijtimoiy-iqtisodiy ishlar, aholi muammolarini aniqlash, ularni tizimli ravishda hal etish hamda mavjud kamchiliklarni bartaraf etish yuzasidan olib borilayotgan chora-tadbirlar muhokama qilindi.

✔️Xususan, ijtimoiy xodim tomonidan amalga oshirilayotgan ishlar samaradorligiga alohida e’tibor qaratilib, ehtiyojmand oilalarni qo‘llab-quvvatlash, bandlikni ta’minlash hamda yoshlar va xotin-qizlar bilan ishlash masalalari yuzasidan tegishli tavsiyalar berildi.

✅Shuningdek, “mahalla yettiligi” a’zolari bilan ochiq muloqot o‘tkazilib, ularning faoliyatini yanada samarali tashkil etish, aholi murojaatlari bilan ishlash tizimini takomillashtirish bo‘yicha fikr almashildi.

✅Mazkur tashrif mahalladagi ishlarni yanada jadallashtirish, aholining muammolariga tezkor va samarali yechim topish borasida muhim ahamiyat kasb etadi.