Халқ депутатлари туман Кенгаши депутати Қанағат Досмурзаева томонидан “Учтепа” ОФЙ ҳудудида аҳоли билан бевосита мулоқотлар ўтказилди. Уйма-уй юриш давомида фуқароларнинг ижтимоий-иқтисодий шароити, уларни қийнаётган муаммолар ҳамда таклифлари тингланди.

Мулоқотлар жараёнида айниқса хотин-қизлар фаоли томонидан олиб борилаётган ишларга алоҳида эътибор қаратилди. Хотин-қизларни қўллаб-қувватлаш, уларни бандлигини таъминлаш, ижтимоий ҳимояга муҳтож оилалар билан ишлаш борасида амалга оширилаётган ишлар таҳлил қилиниб, мавжуд муаммоларни ҳал этиш юзасидан тегишли таклифларни ишлаб чиқиш келишиб олинди.

Шунингдек, депутат томонидан “Учтепа” оилавий шифокорлик пунктида бўлиб, аҳолига кўрсатилаётган тиббий хизматлар сифати, тиббиёт ходимларининг фаолияти, дори-дармон таъминоти ҳамда шароитлар ўрганилди. Аниқланган камчиликларни бартараф этиш ва хизматлар сифатини янада яхшилаш бўйича масъулларга тегишли тавсиялар берилди.

Slide 1 of 4