Xalq deputatlari Pastdarg‘om tuman Kengashi deputati U. Shukurov tomonidan tumandagi umumta’lim muassasalarini 2026–2027-yillar kuz-qish mavsumiga tayyorlash ishlari holatini o‘rganish maqsadida Pastdarg‘om tuman Maktabgacha va maktab ta’limi bo‘limi boshlig‘iga deputatlik so‘rovi yuborildi.

Deputatlik so‘rovida ta’lim muassasalarining kuz-qish mavsumiga tayyorgarlik darajasi, isitish tizimlarining texnik holati, ta’mirlash ishlari, qo‘shimcha isitish pechlariga bo‘lgan ehtiyoj, ko‘mir mahsulotlari bilan ta’minlanganlik hamda ularni saqlash holati yuzasidan batafsil ma’lumot taqdim etish so‘ralgan.

Shuningdek, maktab binolarining tom qismi, eshik va derazalarini ta’mirlash ishlari, elektr va gaz ta’minotida uzilishlar yuzaga kelganda qo‘llaniladigan zaxira choralar, o‘quvchilar va pedagog xodimlar xavfsizligini ta’minlash bo‘yicha amalga oshirilayotgan hamda rejalashtirilgan tadbirlar haqida ham axborot berish talab etilgan.