Xalq deputatlari Pastdarg‘om tuman Kengashining ijtimoiy soha, yoshlar siyosati, sport va madaniyat masalalari bo‘yicha doimiy komissiyasi tomonidan O‘zbekiston Respublikasining “Davlat tili haqida”gi Qonuni hamda ushbu yo‘nalishda qabul qilingan normativ-huquqiy hujjatlar ijrosini o‘rganish maqsadida ishlab chiqilgan maxsus savolnoma asosida tumandagi tashkilot va muassasalarda o‘rganish ishlari davom etmoqda.
Bugun ishchi guruh Pastdarg‘om tumani 1-son texnikumida bo‘lib, ish yuritish hujjatlari davlat tilida va lotin yozuviga asoslangan o‘zbek alifbosida yuritilishi holatini o‘rgandi.

O‘rganish davomida rasmiy hujjatlar, ichki yozishmalar, axborot vositalari, ko‘rgazmali materiallarni amaldagi qonunchilik talabiga muvofiqligi tahlil qilindi.

Davlat tilining nufuzini yanada oshirish, ish yuritishda lotin yozuviga asoslangan o‘zbek alifbosidan to‘liq foydalanishni ta’minlash, kamchiliklarni bartaraf etish yuzadidan tavsiyalar berdi.