IJTIMOIY HIMOYA MASALALARI DEPUTAT NAZORATIDA.

Xalq deputatlari Ko‘kdala tuman Kengashi 6-Chiyal saylov okrugi deputati M.Nurqobilova tuman hokimligi mas’ullari hamda Kengashning doimiy komissiyasi a’zolari ishtirokida hududda ijtimoiy himoya tizimi faoliyatini o‘rgandi.

O‘rganish jarayonida mahalladagi ijtimoiy xodim tomonidan aholining ijtimoiy ehtiyojmand toifalariga ko‘rsatilayotgan xizmatlar sifati, kam ta’minlangan oilalarga ijtimoiy nafaqalar va moddiy yordam tayinlash hamda to‘lash holati fuqarolar bilan bevosita muloqot asosida tahlil qilindi.
Shuningdek, uchrashuv davomida fuqarolarga "Bola huquqlarining kafolatlari to‘g‘risida"gi O‘RQ-139-son Qonun mazmun-mohiyati, unda belgilangan bola huquqlari, ularni himoya qilish kafolatlari hamda mazkur qonun ijrosini ta’minlash bo‘yicha amalga oshirilayotgan ishlar yuzasidan tushuntirish va targ‘ibot ishlari olib borildi.

Bunday o‘rganishlar aholini ijtimoiy qo‘llab-quvvatlash tizimi samaradorligini oshirish, fuqarolarning murojaatlarini joyida hal etish hamda qonunlar ijrosini ta’minlashda muhim ahamiyat kasb etadi.